*👉🏻 “मागणी परिचारकांची, पाठपुरावा परिचारकांचा; श्रेय मात्र नगराध्यक्षांचे!” शिरसाटांचा भालकेंवर पलटवार*

यमाई तलावाच्या पाण्यावरून श्रेयवाद चिघळला! परिचारक समर्थकांचा भालकेंवर पलटवार

“मागणी परिचारकांची, पाठपुरावा परिचारकांचा; मग श्रेय नगराध्यक्षांचे कसे?” — विक्रम शिरसाट यांचा सवाल

पंढरपूर : यमाई तलावात लक्ष्मी टाकळी येथील उजनी कॅनॉलद्वारे पाणी सोडण्यात आल्यानंतर आता या कामाच्या **श्रेयावरून पंढरपूरच्या राजकीय वर्तुळात आरोप-प्रत्यारोपांना सुरुवात झाली आहे.

नगराध्यक्ष डॉ. प्रणिता भगीरथ भालके यांच्या वतीने यमाई तलावात पाणी सोडण्यासाठी पाठपुरावा केल्याचा दावा करण्यात आल्यानंतर *माजी नगरसेवक विक्रम शिरसाट यांनी पलटवार केला आहे.

यावेळी विक्रम शिरसाट यांनी गंभीर आरोप करताना, **“यमाई तलावात पाणी सोडण्याची मागणी परिचारकांची होती, पाठपुरावाही परिचारकांचा होता. संबंधित अधिकाऱ्यांना आवश्यक त्या सूचना देण्याचे कामही परिचारकांकडून करण्यात आले. मात्र, केवळ नगराध्यक्ष पदाचा वापर करून या कामाचे श्रेय लाटण्याचा प्रयत्न नगराध्यक्ष डॉ. प्रणिता भालके यांच्याकडून होत आहे,”** असा आरोप केला.

यमाई तलावात पाणी आणण्यासाठी **प्रशांत परिचारक यांनी केलेल्या पाठपुराव्यामुळेच हा प्रश्न मार्गी लागला**, असा दावा शिरसाट यांनी केला आहे. त्यामुळे पाणी तलावात पोहोचण्यापूर्वीपासून सुरू असलेल्या पाठपुराव्याची माहिती नागरिकांसमोर ठेवण्याची मागणीही त्यांनी केली.

दरम्यान, लक्ष्मी टाकळीपासून यमाई तलावापर्यंत पाण्याचा प्रवाह सुरळीत राहावा यासाठी पाहणी करण्यात आली असून, गेल्या काही दिवसांपासून तलावात पाणी दाखल होत आहे. यामुळे शहरातील नागरिकांमध्ये समाधानाचे वातावरण आहे.

मात्र, **यमाई तलावात पाणी आले असले तरी त्याचे श्रेय कुणाचे?** यावरून आता भालके विरुद्ध परिचारक समर्थकांमध्ये राजकीय संघर्षाची ठिणगी पडली आहे.

### **“जनतेला पाणी मिळाले, याचा आनंद आहे; पण कामाचे श्रेय घेण्यासाठी खोटे दावे करू नयेत,”** अशी भूमिका विक्रम शिरसाट यांनी मांडल्याने यमाई तलावाचा पाणीप्रश्न आता **श्रेयवादाच्या राजकारणामुळे चांगलाच चर्चेत** आला आहे.

About the Author

मुख्य संपादक : श्री. सोहन जैस्वाल

Author

View All Posts